Qaramada Midoobay oo Walaac ka Muujisay la Dagaalanka isbedelka Cimilada

Xog hayaha Guud ee Qaramada Midoobay Antonio Guterres  ayaa sheegay in dadaalada Aduunka ee lagu joojinayo isbeddelka cimilada ay yihiin kuwo aan dhameys tirnayn iyo in  ilaa iyo hada ay jiraan khataro  ah in kuleylka aduunka uu dhaafi karo heerka ugu sareeya.

Isagoo ka hadlayay ka hor bilowga  shirka  cimilada oo  caalami  ah ee ka dhacaya Spain ayaa  Xog hayaha Guud ee Qaramada Midoobay wuxuu  sheegay in saameynta kuleylka sii kordheyaan oo ay ku jiraan cimilo aad u ba’an durba laga dareemayo aduunka oo dhan  cawaaqib xumana  ay ku reebayaan Aadanaha iyo noolaha  kale.

Guterres wuxuu xusey in aduunku leeyahay cilmiga sayniska iyo hab  farsamo oo lagu xadidi karo diirimaadka aduunka haseyeeshee  siyaasadaha is diidan iyo wadamada  oo aan daacad ka aheyn la dagaalanka wasakhowga hawada ay caqabad ku yihiin in cimilada aduunka la xakameeyo .